സിഎംഐ സഭാംഗവും ധർമാരാം പൊന്തിഫിക്കൽ അത്തനേയം സഭാചരിത്ര അധ്യാപകനുമായ റവ. ഡോ. ഫ്രാൻസിസ് തോണിപ്പാറ സിഎംഐ-യെ വത്തിക്കാനിലെ ശാസ്ത്രീയ ചരിത്രപഠന കമ്മിറ്റി അംഗമായി ഫ്രാൻസിസ് മാർപാപ്പ നാമനിർദ്ദേശം ചെയ്തു. അഞ്ചു വർഷത്തേയ്ക്കാണ് നിയമനം.
ധർമാരാം പൊന്തിഫിക്കൽ അത്തനേയം മുൻ പ്രസിഡന്‍റും സിഎംഐ കോഴിക്കോട് പ്രൊവിൻസിന്‍റെ മുൻ പ്രൊവിൻഷ്യലുമായ റവ. ഡോ. ഫ്രാൻസിസ് സഭാചരിത്ര അധ്യാപകനാണ്. ആലക്കോട് നെല്ലിപ്പാറ സ്വദേശിയാണ്.
