വാഴ്ത്തപ്പെട്ട ജോസ് ഗ്രിഗോറിയോ ഹെര്നാഡെസ് സിസനിയോറോസിന്റെ തിരുശേഷിപ്പ് ആശുപത്രികളിലൂടെയും ക്ലിനിക്കുകളിലൂടെയും പര്യടനം നടത്തുന്നു. കോവിഡ് 19-ന്റെ പശ്ചാത്തലത്തിലാണ് വെനസ്വേലയിലെ കാരക്കാസില് ഈ തിരുശേഷിപ്പ് പര്യടനം.
ദരിദ്രരുടെ ഡോക്ടര് എന്നാണ് വാഴ്ത്തപ്പെട്ട ജോസ് ഗ്രിഗോറിയോ അറിയപ്പെടുന്നത്. രോഗികള്ക്കും ആരോഗ്യപ്രവര്ത്തകര്ക്കും ഈ തിരുശേഷിപ്പ് പ്രയാണം വലിയ പ്രചോദനവും ശക്തിയും നല്കുമെന്ന് കരുതപ്പെടുന്നു. മേയ് 14-ന് പര്യടനം അവസാനിക്കും.
സേവനത്തിന്റെയും ആതുരശുശ്രൂഷയുടേയും മഹനീയമാതൃക കാണിച്ചുതന്ന പുണ്യാത്മാവാണ് വാഴ്ത്തപ്പെട്ട ജോസ് ഗ്രിഗോറിയോ. സ്പാനിഷ് ഫ്ലൂ പകര്ച്ചവ്യാധിക്കെതിരെ ജീവിതാവസാനം വരെ പോരാടുകയും നൂറുകണക്കിന് പാവങ്ങളെ സൗജന്യമായി ചികിത്സിക്കുകയും വിശ്വാസാധിഷ്ഠിത ജീവിതം നയിക്കുകയും ചെയ്ത ഡോക്ടര് ഏറ്റവും കൂടുതല് അറിയപ്പെടുന്നത് തന്റെ കാരുണ്യപ്രവര്ത്തികളിലൂടെയാണ്.