ഇറ്റുവീഴുന്ന മഴത്തുള്ളികൾ …
സൂര്യന്റെ താപമേറ്റുവാങ്ങി
വിണ്ടുകീറിയ ഭൂമിയെ കുളിർപ്പിക്കുവാൻ
ചിതറിവീണ മണിമുത്തുകൾ .
മണ്ണിലുറങ്ങുന്ന വിത്തിനെ ഉണർത്തുവാൻ
സസ്യലതാദികളിൽ ഒളിഞ്ഞിരിക്കുന്ന
ഫലത്തെ പുറത്തുകൊണ്ടുവരുവാൻ …
കറങ്ങുന്ന കാലചക്രത്തെ അശ്വരഥമാക്കി കടന്നുവരുന്നവൻ
കരയുന്ന വേഴാമ്പലിനുമുണ്ട് ഒരു പ്രതീക്ഷ
കരിയുന്ന ഇലയ്ക്കുമുണ്ടൊരു പ്രതീക്ഷ
അഗ്നികുണ്ഠത്താൽ പഴുക്കുന്ന ആലയിലെ ഇരുമ്പിനുമുണ്ടൊരു പ്രതീക്ഷ
പല ജീവിതങ്ങളുടെയും പ്രതീക്ഷകളുടെ നിർവൃതിയാണ് മഴ
കാത്തിരിക്കുക, ഒരിക്കൽ അവൻ നമ്മുടെ ജീവിതത്തിലും തോരാതെ പെയ്യും
ജൊവാൻ