ബൊളീവിയായിൽ പതിനാലോളം വൈദികർ കോവിഡ് ബാധിച്ചു മരിച്ചു. ഇവരിൽ ഇടവക വൈദികരും സന്യസ്ത വൈദികരും ഉൾപ്പെടുന്നു. ഇടവക പ്രവർത്തനങ്ങളിൽ ഏർപ്പെട്ടതിൽ നിന്നാണ് മിക്കവർക്കും രോഗം ബാധിച്ചിട്ടുള്ളത്.
കൊച്ചബാംബ, ലാ പാസ്, സാന്താക്രൂസ് തുടങ്ങിയ സ്ഥലങ്ങളിലാണ് മരണങ്ങൾ റിപ്പോർട്ട് ചെയ്തിരിക്കുന്നത്. ബൊളീവിയായിൽ 1,18,781 കോവിഡ് കേസുകളാണ് ഉള്ളത്. വളരെ രൂക്ഷമായ രീതിയിൽ ഇവിടെ കോവിഡ് കേസുകൾ വർദ്ധിച്ചുകൊണ്ടിരിക്കുകയാണ്.
