ഈശോയോടൊപ്പം സുപ്രഭാതം
സ്വർഗ്ഗീയ പിതാവേ, ആഗമന കാലത്തിലെ അവസാന ആഴ്ചയിൽ ഉണ്ണിയേശുവിനെ സ്വീകരിക്കാനായി ഞാൻ ഒരുങ്ങുമ്പോൾ ഉണ്ണിയേശുവിലൂടെ രക്ഷയിലേക്കുള്ള വഴിയിലൂടെ മറ്റുള്ളവരെ നയിക്കാൻ എന്നെ പ്രാപ്തനാക്കണമേ. എന്റെ കൊച്ചു കാരുണ്യ , സ്നേഹ പ്രവൃത്തികൾ കൊണ്ട് അന്ധകാരം നിറഞ്ഞ ലോകത്തിൽ നന്മയുടെ പ്രകാശം പരത്താൻ എന്നെ സഹായിക്കണമേ . ഇന്നത്തെ എന്റെ ജീവിതം പരിശുദ്ധ മാർപാപ്പായുടെ ഈ മാസത്തെ നിയോഗങ്ങൾക്കു വേണ്ടി ഞാൻ കാഴ്ചവയ്ക്കുന്നു. ആമ്മേൻ
സ്വർഗ്ഗസ്ഥനായ പിതാവേ….
ഈശോയോടൊപ്പം മദ്ധ്യാഹ്നം
“ദൈവം അവന്റെ മൃദുലതയും, കാരുണ്യവും ക്ഷമയും സ്നേഹവു കൊണ്ടു നമ്മുടെ അടുത്തുണ്ടന്ന ആത്മവിശ്വാസത്തിൽ നിന്നാണ് നമുക്കു സന്തോഷം വരുന്നത്. “(ഫ്രാൻസീസ് പാപ്പാ)
ഈശോയോടൊപ്പം രാത്രി
” വഴിയും സത്യവും ജീവനും ഞാനാണ് എന്നിലുടെയല്ലാതെ ആരും പിതാവിന്റെ അടുക്കലേക്ക് വരുന്നില്ല. ” (യോഹ 14:7). അങ്ങയുടെ ദൈവരാജ്യത്തിൽ ശുശ്രുഷ ചെയ്യാൻ ഇന്ന് എന്നെ അനുവദിച്ചതിന് ഞാൻ നന്ദി പറയുന്നു. അങ്ങേ വഴികളിൽ നിന്ന് വ്യതിചലിച്ച് സ്വന്തം നേട്ടത്തെയും പുകഴ്ചയെയും പിൻതുടർന്നതിന് എന്നോട് ക്ഷമിക്കണമേ . നാളെ പുർണ്ണമായും അങ്ങേ വഴികളിലൂടെ നടന്ന് അനേകർക്ക് സ്വർഗ്ഗത്തിലേക്കുള്ള വഴി കാട്ടികൊടുക്കുവാനും എന്നെ സഹായിക്കേണമേ. ആമ്മേൻ
സ്വർഗ്ഗസ്ഥനായ പിതാവേ….
