ഈശോയോടൊപ്പം സുപ്രഭാതം
സ്നേഹനിധിയായ പിതാവേ, ടൂറിനിലെ വിശുദ്ധ മാർട്ടിന്റെ തിരുനാൾ ആഘോഷിക്കുന്ന ഈ ദിനത്തിൽ നിന്റെ രാജ്യത്തിനു വേണ്ടി ഉദാരപൂർവ്വം പ്രവർത്തിക്കാനും, ക്രിസ്തുവിനു വേണ്ടി സഹോദരി സഹോദരന്മാരെ നേടുവാനും എന്നെ സഹായിക്കണമേ. ഇന്നേദിനം പൂർണ്ണ ഹൃദയത്തോടും ആത്മാവോടും ശക്തിയോടും കൂടെ നിനക്കായി ജീവിച്ച് പരിശുദ്ധ മാർപാപ്പായുടെ ഈ മാസത്തെ നിയോഗങ്ങൾക്കു വേണ്ടി ഞാൻ കാഴ്ചവയ്ക്കുന്നു. ആമ്മേൻ
സ്വർഗ്ഗസ്ഥനായ പിതാവേ….
ഈശോയോടൊപ്പം മദ്ധ്യാഹ്നം
“ദൈവമേ, നിന്റെ ജനത്തിന് എന്നെ ആവശ്യമാണങ്കിൽ, ഞാൻ ജോലി നിരസിക്കില്ല, നിന്റെ ഹിതം നിറവേറട്ടെ.” (ടൂറിനിലെ വിശുദ്ധ മാർട്ടിൻ )
ഈശോയോടൊപ്പം രാത്രി
“ചെറിയ കാര്യത്തിൽ വിശ്വസ്തൻ വലിയ കാര്യത്തിലും വിശ്വസ്തനായിരിക്കും, ചെറിയ കാര്യത്തിൽ അവിശ്വസ്തൻ വലിയ കാര്യത്തിലും അവിശ്വസ്തനായിരിക്കും.”(ലൂക്കാ 16: 10 ) ദൈവമേ, നി ഇന്നേ ദിനം എനിക്ക് നൽകിയ അനുഗ്രഹങ്ങൾക്കായി, നി തന്ന ദാനങ്ങളും കഴിവുകളും മറ്റുള്ളവർക്കായി പങ്കുവയ്ക്കാൻ എനിക്കു തന്ന കൃപകൾക്കായി ഞാൻ അങ്ങേനന്ദി പറയുന്നു. ഇന്നേദിനം ഞാൻ എന്റെ സഹോദരങ്ങളെ പരിഗണിക്കാതെ ,ഉദാരത കാണിക്കാതെ പ്രവർത്തിച്ചതിന് എന്നോടു ക്ഷമിക്കണമേ. ദൈവമേ നിന്റെ കാരുണ്യവുമായി വന്ന് എന്നെ സുഖപ്പെടുത്തണമേ. നാളെ സത്യത്തിനു സാക്ഷ്യം വഹിച്ചുകൊണ്ട് ജീവിക്കാൻ എന്നെ സഹായിക്കേണമേ. ആമ്മേൻ
നന്മ നിറഞ്ഞ മറിയമേ….