ഈശോയോടൊപ്പം സുപ്രഭാതം
സ്വർഗ്ഗീയ പിതാവേ, അങ്ങയുടെ പ്രിയ പുത്രൻ വിശുദ്ധ കുർബാനയിലൂടെ ഞങ്ങൾക്കു സ്വയം നൽകിയതുപോലെ, എന്റെ ഹൃദയവും സ്വയം ശൂന്യമാക്കാനായി അങ്ങേക്ക് സമർപ്പിക്കുന്നു. പരിശുദ്ധമായ ഈ ദിനത്തിൽ പുണ്യപ്പെട്ട ജീവിതം നയിച്ച് സ്നേഹത്തിലും മറ്റുള്ളവരോടുള്ള ബഹുമാനത്തിലും വളരാൻ എന്നെ പഠിപ്പിക്കേണമേ. ഇന്നത്തെ എന്റെ ജീവിതം പരിശുദ്ധ മാർപാപ്പായുടെ ഈ മാസത്തെ നിയോഗങ്ങൾക്കു വേണ്ടി ഞാൻ കാഴ്ചവയ്ക്കുന്നു. ആമ്മേൻ
സ്വർഗ്ഗസ്ഥനായ പിതാവേ….
ഈശോയോടൊപ്പം മദ്ധ്യാഹ്നം
“നമ്മൾ നമ്മിൽ നിന്നു പുറത്തിറങ്ങി ഹൃദയം തുറക്കുമ്പോൾ ദൈവം നമുക്ക് നൽകുന്ന സമ്മാനമാണ് ക്രിസ്തീയ പ്രതീക്ഷ.” (ഫ്രാൻസീസ് പാപ്പാ)
ഈശോയോടൊപ്പം രാത്രി
“നമ്മുടെ രക്ഷകനായ യേശു ക്രിസ്തു മരണത്തെ ഇല്ലാതാക്കുയും തന്റെ സുവിശേഷത്തിലൂടെ ജീവനും അനശ്വരതയും വെളിപ്പെടുത്തുകയും ചെയ്തിരിക്കുന്നു.” (2 തിമോ1:10). ദൈവമേ, ഇന്നേ ദിനം അങ്ങു നൽകിയ ദാനങ്ങൾക്കും, പുണ്യത്തിൽ വളരാൻ തന്ന അവസരങ്ങൾക്കും ഞാൻ നന്ദി പറയുന്നു. എന്നെ തന്നെ ഒറ്റപ്പെടുത്തി മറ്റുള്ളവരുടെ ആവശ്യങ്ങളെ ഞാൻ അവഗണിച്ചതിനു എന്നോട് ക്ഷമിക്കണമേ . നാളെ എന്റെ എല്ലാ പ്രവർത്തികളിലും ദൈവസ്നേഹാനുഭവത്തിൽ ചെയ്യാനും പ്രകാശം പരത്താനും എന്നെ സഹായിക്കേണമേ. ആമ്മേൻ
നന്മ നിറഞ്ഞ മറിയമേ ….
