സകലമരിച്ചവര്ക്കുവേണ്ടി
കര്ത്താവായ ഈശോയെ മരണമൂലം ഈ ലോകത്തില് നിന്ന് വേര്പിരിഞ്ഞുപോയ എല്ലാവരേയും അങ്ങയുടെ സന്നിധിയില് സമര്പ്പിക്കുന്നു. ജീവിതകാലത്ത് അവര്ക്ക് സംഭവിച്ചുപോയ കുറ്റങ്ങളെയും കുറവുകളെയും അങ്ങ് കരുണയോടെ ക്ഷമിക്കണമേ. അവരുടെ നിത്യശാന്തിക്കായി ഞങ്ങള് പ്രാര്ത്ഥിച്ചുകൊള്ളാമെന്ന് വാഗ്ദാനം ചെയ്യുന്നു. ഈ മാസത്തെ ഞങ്ങളുടെ പ്രാര്ത്ഥനകളും പ്രാശ്ചിത്തങ്ങളും അവരുടെ സ്വര്ഗ്ഗപ്രാപ്തിക്കായി ഞങ്ങള് കാഴ്ചവയ്ക്കുന്നു. നിത്യം പിതാവും പുത്രനും പരിശുദ്ധാത്മാവുമായ സര്വ്വേശ്വരാ. ആമ്മേന്.
ശുദ്ധീകരണസ്ഥലത്തിലെ ആത്മാക്കള്ക്കുവേണ്ടിയുള്ള ജപം
മരിച്ച വിശ്വാസികളുടെ ആത്മാക്കള്ക്ക് തമ്പുരാന്റെ മനോഗുണത്താല് മോക്ഷത്തില് ചേരുവാന് അനുഗ്രഹമുണ്ടായിരിക്കട്ടെ.
നിത്യപിതാവേ, ഈശോമിശിഹാ കര്ത്താവിന്റെ വിലമതിക്കാനാവാത്ത തിരുരക്തത്തെപ്രതി മരിച്ചവരുടെമേല് കൃപയുണ്ടായിരിക്കണമേ.
1 സ്വര്ഗ്ഗ, 1 നന്മ, 1 ത്രീത്വ (അഞ്ചു പ്രാവശ്യം ചൊല്ലുക)
ചെറിയ ഒപ്പീസ് പുസ്തക രൂപത്തിൽ ലഭിക്കാൻ ഇവിടെ ക്ലിക്ക് ചെയ്യുക