ജീവിതത്തിൽ പലപ്പോഴും പല കാരണങ്ങളാൽ നാം അസ്വസ്ഥരാകാറുണ്ട്. പല പ്രതിസന്ധികളെയും അഭി മുഖീകരിക്കാറുമുണ്ട്. ഈ പ്രതിസന്ധികളിൽ ദൈവത്തിന്റെ സംരക്ഷണം ലഭിക്കേണ്ടത് അത്യാവശ്യമാണ്. നിരാശയിൽ ആഴ്ന്നു പോകാതെ പ്രശ്നങ്ങളിൽ നിന്നും കരകയറാൻ ദൈവം മാത്രമാണ് നമ്മുടെ ആശ്രയം. പ്രതിസന്ധികളിൽ നിന്നും കരകയറാൻ ദൈവത്തോട് അപേക്ഷിച്ചുകൊണ്ടുള്ള ഒരു പ്രാർത്ഥന ഇതാ:
കർത്താവേ, കൃപയോടെ ഞങ്ങളുടെ യാചന കേൾക്കണമേ. ബുദ്ധിമുട്ടുകളുടെ നടുവിൽ അങ്ങു ഞങ്ങളുടെ പരിചയും അഭയവുമായിരിക്കണമേ. അവിടുന്ന് ഒരിക്കലും ഞങ്ങളെ വിട്ടുപോകരുതേ. ഞങ്ങളുടെ പ്രതിസന്ധികളിലും പ്രശ്നങ്ങളിലും അങ്ങ് ഞങ്ങളുടെ ശക്തമായ കോട്ടയായിരിക്കേണമേ. അങ്ങയുടെ ചിറകിൻ കീഴിൽ ഞങ്ങളെകാത്തു സംരക്ഷിക്കണമേ. ആമ്മേൻ.
