ഈശോയോടൊപ്പം സുപ്രഭാതം
സകല നന്മകളുടെയും ഉറവിടമായ ദൈവമേ, ഈ പ്രഭാതത്തിൽ അങ്ങയുടെ മഹനീയ സ്നേഹത്തെ ഞങ്ങൾ വാഴ്ത്തുന്നു. ഇന്നേ ദിവസം ഞങ്ങളുടെ വഴികളിൽ നീതിയുടെയും സത്യത്തിന്റെയും കിരണങ്ങൾ നൽകി സുവിശേഷം പൂർണ്ണ ഹൃദയത്തോടെ ജീവിക്കാൻ ഞങ്ങളെ നിരന്തരം നയിക്കേണമേ. ഇന്നത്തെ ഞങ്ങളുടെ ജീവിതം പരിശുദ്ധ മാർപാപ്പായുടെ ഈ മാസത്തെ നിയോഗങ്ങൾക്കു വേണ്ടി ഞാൻ കാഴ്ചവയ്ക്കുന്നു. ആമ്മേൻ
സ്വർഗ്ഗസ്ഥനായ പിതാവേ….
ഈശോയോടൊപ്പം മദ്ധ്യാഹ്നം
“യേശു നിങ്ങളോട് എല്ലാ ദിവസവും സംസാരിക്കുന്നു. അവന്റെ സുവിശേഷം നിങ്ങളുടെതും, അവൻ നിങ്ങളുടെ ജീവിതയാത്രയിലെ നിയന്താവുമായിരിക്കട്ടെ. ” (ഫ്രാൻസീസ് പാപ്പ)
ഈശോയോടൊപ്പം രാത്രി
” ഭൂമിയിൽ തീയിടാനാണ് ഞാൻ വന്നത്. അത് ഇതിനകം കത്തിജ്ജ്വലിച്ചിരുന്നെങ്കിൽ!” (ലൂക്കാ 12:49). ദൈവമേ ഇന്നേ ദിനം നിന്നിൽ നിന്നു സ്വീകരിച്ച എല്ലാ നന്മകളെയും പ്രതി നിനക്കു ഞാൻ നന്ദി പറയുന്നു, പ്രത്യേകമായി നിന്റെ വചനത്തിന് ഞാൻ ജ്വാല പകർന്നതിന്. ഇന്നേദിനം ബോധപൂർവ്വം നിന്റെ സ്വരം അവഗണിച്ചെങ്കിൽ എന്നോട് ക്ഷമിക്കണമേ. ഈ രാത്രിയിൽ എന്നോടൊപ്പം വരണമേ. നാളെ നിന്റെ പരിശുദ്ധാത്മ ശക്തിയാൽ എന്നെ ജ്വലിപ്പിക്കണമേ. ആമ്മേൻ
നന്മ നിറഞ്ഞ മറിയമേ ….
Why not the up to date prayers are not published ?