ഈശോയോടൊപ്പം സുപ്രഭാതം
സ്വർഗ്ഗീയ പിതാവേ, വിശുദ്ധ കല്ലിസ്റ്റസിന്റെ രക്തസാക്ഷിത്വത്തെ ഓർമ്മിക്കുന്ന ഈ പുണ്യ ദിനത്തിൽ, സഹനത്തിന്റെ നടുവിലും നിന്നോടുള്ള വിശ്വസ്തത കാത്തു സൂക്ഷിച്ച, വിശുദ്ധനെ അനുകരിച്ച് സത്യവിശ്വാസം സംരക്ഷിക്കുന്നതിനുവേണ്ടി പോരാടുവാൻ എനിക്ക് കൃപ നൽകേണമേ. ഇന്നത്തെ എന്റെ ജീവിതം മുഴുവൻ ലോകം മുഴുവൻ അർപ്പിക്കപ്പെടുന്ന ദിവ്യബലികളോട് ചേർത്ത് പരിശുദ്ധ മാർപാപ്പായുടെയും ഈ മാസത്തെ നിയോഗങ്ങൾക്കായി ഞങ്ങൾ സമർപ്പിക്കുന്നു. ആമ്മേൻ
സ്വർഗ്ഗസ്ഥനായ പിതാവേ….
ഈശോയോടൊപ്പം മദ്ധ്യാഹ്നം
“നമുക്കു വെളിപ്പെടുവാനിരിക്കുന്ന മഹത്വത്തോടു തുലനം ചെയ്യുവാൻ ഇന്നത്തെ സഹനങ്ങൾക്ക് കഴിയില്ല.” (വി. സിപ്രിയാൻ ).
ഈശോയോടൊപ്പം രാത്രി
“ഭയപ്പെടേണ്ടാ നിങ്ങൾ അനേകം കരുവികളേക്കാൾ വിലയുള്ളവരാണ്.” (യോഹ: 12 :7) ദൈവമേ, ഈ ദിനത്തിന്റെ അന്ത്യത്തിൽ ഞാൻ ഉറങ്ങാൻ പോകും മുമ്പ്, സ്നേഹത്തിന്റെയും കാരുണ്യത്തിന്റെയും ശുശ്രൂഷ ചെയ്യാൻ ഇന്നേദിനം നി തന്ന അവസരങ്ങൾക്ക് ഞാൻ നന്ദി പറയുന്നു. സഹനങ്ങളെ ഏറ്റെടുക്കാൻ ഭയപ്പെട്ടതിനും, നിന്നിൽ ആശ്രയിക്കുന്നതിനു ഭംഗം വരുത്തിയതിനും എന്നോടു ക്ഷമിക്കേണമേ. ഈ രാത്രിയിൽ നി എന്റെ ഹൃദയത്തിന്റെ മുറിവുകളെ സുഖപ്പെടുത്തണമേ. നാളെ, ജ്വലിക്കുന്ന ഹൃദയവുമായി നിനക്കു വേണ്ടി ജീവിക്കാൻ എനിക്കു കൃപ തരണമേ. ആമ്മേൻ.
പിതാവിനും പുത്രനും പരിശുദ്ധാത്മാവിനും…
നന്മ നിറഞ്ഞ മറിയമേ …