ദൈവത്തിന്റെ സാന്നിധ്യത്തിന്റെ, ഈ പ്രപഞ്ചം മുഴുവനും നിറഞ്ഞുനിൽക്കുന്ന, നിങ്ങളിലും എന്നിലും തുടിച്ചുനിൽക്കുന്ന ദൈവത്തിന്റെ സാന്നിധ്യത്തിന്റെ ആഘോഷമാണ് വിശുദ്ധ കുർബാന. ദൈവത്തിന്റെ സാന്നിധ്യമാണ് ഈ വിശ്വം മുഴുവനും. ജൂണിലെ മഴയിലും, ഡിസംബറിലെ മഞ്ഞിലും, ഏപ്രിലിലെ ചൂടിലും, പുതുമഴയും പരിമളത്തിലും മിന്നാമിനുങ്ങിന്റെ വെട്ടത്തിലും, കുഞ്ഞിന്റെ കരച്ചിലിലും കിളിയുടെ പാട്ടിലും… അങ്ങനെയങ്ങനെ സർവ്വം ചൂഴ്ന്നുനിൽക്കുന്ന ദൈവസാന്നിധ്യത്തിന്റെ ആഘോഷം.
ദൈവം വിരുന്നുകാരനായി വന്നല്ലാ, വിരുന്നു തന്നെയായി മാറി ഈ സാന്നിധ്യം ആത്മീയമാക്കുകയാണ്‌. ഈ സാന്നിധ്യത്തിലാക്കുക, നിന്റെ സാന്നിധ്യം ചേർത്തുവയ്ക്കുക. ആഘോഷിക്കുക.
നമുക്ക് പഠിക്കാം: വിശുദ്ധ കുർബാന ദൈവസാന്നിധ്യത്തിന്റെ ആഘോഷമാണ്.
