ദൈവത്തിന്റെ രക്ഷാകരപദ്ധതി ക്രിസ്തുകേന്ദ്രീകൃതം എന്നതിനേക്കാൾ വിശുദ്ധ കുർബാനാകേന്ദ്രീകൃതമാണ്. അപ്പോൾ എന്താണ് വിശുദ്ധ കുർബാന..?
വിശുദ്ധ കുർബാനയെക്കുറിച്ചുള്ള ഔദ്യോഗിക പഠനമായ Ecclesia de Eucharistia എന്ന ചാക്രികലേഖനത്തിൽ പറയുന്നത് ‘വിശുദ്ധ കുർബാന വിശ്വാസത്തിന്റെ രഹസ്യം’ എന്നാണ്. മിശിഹാരഹസ്യങ്ങളുടെ, ഈശോയുടെ ജനന-പരസ്യജീവിത, പീഡാനുഭവമരണ-ഉത്ഥാനരഹസ്യങ്ങളുടെ ആഘോഷമാണ് വിശുദ്ധ കുർബാന.
ബലിയർപ്പിക്കാനെത്തുന്ന ഓരോ ക്രൈസ്തവനും അവളുടെ/അവന്റെ ജീവിതം ഈശോയുടെ ജീവിതത്തോടു ചേർത്ത് അർപ്പിക്കുന്നു. മിശിഹാരഹസ്യങ്ങളുടെ അൾത്താരയിൽ പിതാവായ ദൈവത്തിന് എന്റെ, ജീവിതത്തിന്റെ കുർബാന..!അതുകൊണ്ടാണ് വിശുദ്ധ കുർബാന നമുക്ക് ദൈവത്തിന്റെ അവർണ്ണനീയമായ ദാനമാകുന്നത്.
നമുക്ക് പഠിക്കാം, ഈശോയുടെ ജനന-പരസ്യജീവിത-പീഡാനുഭവമരണ-ഉത്ഥാനരഹസ്യങ്ങളുടെ ആഘോഷമാണ് വിശുദ്ധ കുർബാന. ഒപ്പം എന്റെ ജീവിതത്തിന്റേയും.
