എങ്ങനെയാണ് ദൈവം ലോകത്തിന്റെ തിന്മയെ ജയിക്കുന്നത്. സ്വയം താഴ്ത്തിക്കൊണ്ട് ഉത്തരവാദിത്വം ഏറ്റെടുത്തുകൊണ്ട്. നമുക്കും മറ്റുള്ളവരെ ഉയര്ത്താന് കഴിയുന്ന മാര്ഗ്ഗം കൂടിയാണിത് – മാര്പാപ്പ പറഞ്ഞു.
‘വിധിച്ചുകൊണ്ടല്ല, എന്തുചെയ്യണമെന്ന് നിര്ദ്ദേശിച്ചുകൊണ്ടല്ല, മറിച്ച് മറ്റുള്ളവരുടെ ചാരെ ആയിരുന്നുകൊണ്ടും സഹനത്തില് പങ്കുചേര്ന്നുകൊണ്ടും ദൈവസ്നേഹം പങ്കുവച്ചുകൊണ്ടുമാണ്. അടുപ്പം എന്നത് നമ്മുടെ കാര്യത്തില് ദൈവത്തിന്റെ ശൈലിയാണ്. അവിടുന്നു തന്നെ അത് മോശയോട് പറയുന്നു: ‘നിങ്ങള് ചിന്തിച്ചുനോക്കൂ: ഞാന് നിങ്ങളുടെ ചാരെയുള്ളതുപോലെ തങ്ങളുടെ ദേവന്മാര് അടുത്തുള്ള ഏതു ജനതയുണ്ട്?’ നമ്മുടെ കാര്യത്തില് ദൈവത്തിന്റെ രീതിയാണ് അടുപ്പം.