മയക്കുമരുന്ന് കടത്തും അതിനെ തുടർന്നുണ്ടായ ആക്രമണങ്ങളും രൂക്ഷമായ മെക്സിക്കോയിലെ അപ്പാറ്റ്‌സിംഗൻ രൂപതയ്ക്ക് പാപ്പാ കത്തയച്ചു. വിശ്വാസികൾക്ക് പാപ്പാ തന്റെ പ്രാർത്ഥന വാഗ്ദാനം ചെയ്യുകയും ചെയ്തു. മാർപാപ്പയുടെ കത്ത് ബിഷപ്പ് അസെൻസിയോ ഗാർസിയ ജൂലൈ 18 -ന് വിശുദ്ധ ബലി മദ്ധ്യേ വായിച്ചു.
“മയക്കുമരുന്ന് സംഘങ്ങൾ തമ്മിലുള്ള അക്രമപരമായ ഏറ്റുമുട്ടലുകൾ സംബന്ധിച്ച വാർത്ത എനിക്ക് ലഭിച്ചു. ഭീകരതയുടെയും അരക്ഷിതാവസ്ഥയുടെയും സുരക്ഷിതമല്ലാത്ത ഈ സാഹചര്യം ദൈവഹിതത്തിന് ചേർന്നതല്ല. എല്ലാ വിശ്വാസികളും സുരക്ഷിതമായ അന്തരീക്ഷത്തിൽ, ശാന്തതയോടും ഐക്യത്തോടുംകൂടെ ജീവിക്കണമെന്ന് ആഗ്രഹിക്കുന്നു” -മാർപ്പാപ്പ പറഞ്ഞു.
ഈ പ്രദേശത്ത് സമാധാനം കൊണ്ടുവരാൻ മെക്സിക്കൻ സർക്കാരിനോട് പ്രദേശവാസികൾ അഭ്യർത്ഥിച്ചിട്ടുണ്ട്.
