ലെബനോനിലെ ജനങ്ങൾക്ക് ക്രിസ്തുമസ് സന്ദേശം അയച്ച് പാപ്പാ

ലെബനോനിലെ ആളുകൾക്ക് ക്രിസ്തുമസ് സന്ദേശം അയച്ച് ഫ്രാൻസിസ് മാർപാപ്പ. പ്രതിസന്ധി ഘട്ടങ്ങളിൽ ദൈവത്തിൽ വിശ്വാസമർപ്പിക്കാൻ പ്രോത്സാഹിപ്പിച്ച് പാപ്പ. ലെബനോനിലെ മരോനൈറ്റ് കത്തോലിക്കാ അധ്യക്ഷൻ കർദ്ദിനാൾ ബെചാറ ബൗട്രോസ് റായ്ക്കാണ് ഡിസംബർ 24 -ന് പാപ്പാ കത്തെഴുതിയത്.

“ഈ ക്രിസ്മസ് ദിനത്തിൽ, ‘ഇരുട്ടിൽ നടന്ന ആളുകൾ ഒരു വലിയ വെളിച്ചം കണ്ടു’ – നമ്മുടെ ഭയം കുറയ്ക്കുന്ന വെളിച്ചം ക്രിസ്തുവിന്റെ ജനന തിരുനാളിൽ നമ്മുടെ ഇടയിൽ ഉദയം ചെയ്തിരിക്കുകയാണ്” – പാപ്പാ എഴുതി. മാർപാപ്പായുടെ കത്തിൽ, ലെബനോനിലെ പ്രിയപ്പെട്ട ജനങ്ങളോടുള്ള ആദരവ് മാർപ്പാപ്പ പ്രകടിപ്പിച്ചു. എത്രയും വേഗം രാജ്യം സന്ദർശിക്കുമെന്നാണ് പ്രതീക്ഷയെന്നും അദ്ദേഹം കൂട്ടിച്ചേർത്തു. പ്രാദേശിക സംഘർഷങ്ങളിൽ നിന്നും മാറിനിൽക്കാൻ ലെബനോനെ സഹായിക്കണമെന്ന് പാപ്പാ അന്താരാഷ്ട്ര സമൂഹത്തോട് അഭ്യർത്ഥിച്ചു.

ഓഗസ്റ്റ് 4 -ന് ബെയ്‌റൂട്ട് തുറമുഖത്ത് ഉണ്ടായ സ്ഫോടനത്തെ തുടർന്ന് ലെബനോൻ കനത്ത സാമ്പത്തിക, രാഷ്ട്രീയ പ്രതിസന്ധിയിലൂടെയാണ് കടന്നുപോകുന്നത്. സ്ഫോടനത്തിൽ 200 ഓളം പേർ കൊല്ലപ്പെടുകയും 600 പേർക്ക് പരിക്കേൽക്കുകയും 4 ബില്യൺ ഡോളറിലധികം നാശനഷ്ടമുണ്ടാകുകയും ചെയ്തു.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

അഭിപ്രായങ്ങൾ

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.