സ്വന്തം ബലഹീനത തിരിച്ചറിയുന്നവർക്ക് കർത്താവിൽ പ്രത്യാശയർപ്പിക്കാനുള്ള അവസരമാണ് ലഭിക്കുന്നതെന്ന് ഫ്രാൻസിസ് മാർപാപ്പ. സെന്റ് പീറ്റേഴ്സ് സ്ക്വയറിൽ ഒത്തുകൂടിയ തീർത്ഥാടകരോട് സംസാരിക്കുകയായിരുന്നു അദ്ദേഹം.
“മഹത്വം സ്വയം പര്യാപ്തതയിലല്ല, കർത്താവിലുള്ള വിശ്വാസത്തിലാണ് അടങ്ങിയിരിക്കുന്നത്. നമ്മൾ ശ്രേഷ്ഠരാകുന്നത് സ്വയംപര്യാപ്തതയുടെ മിഥ്യാധാരണയിലല്ല. അത് ആരെയും വലിയവനാക്കുന്നില്ല. മറിച്ച് നമ്മുടെ എല്ലാ പ്രതീക്ഷകളും ദൈവപിതാവിൽ അർപ്പിക്കുക” – പാപ്പാ പറഞ്ഞു.
“ഒരാൾ ചെറുതാണെന്ന് അറിയുന്നത്, ഒരാൾക്ക് രക്ഷ ആവശ്യമാണെന്ന് അറിയുന്നത്, കർത്താവിനെ സ്വീകരിക്കുന്നതിന് അനിവാര്യമാണ്. അവനിലേക്ക് നമ്മെ തുറക്കുന്നതിന്റെ ആദ്യപടിയാണിത്”- പാപ്പാ കൂട്ടിച്ചേർത്തു.
