ദൈവത്തിന്റെ കരുണ സ്വീകരിച്ചവരെന്ന നിലയില് നമുക്കും മറ്റുള്ളവരോട് കാരുണ്യം കാണിക്കുന്നവരാകാം എന്ന് മാര്പാപ്പയുടെ ആഹ്വാനം. ദൈവരുണയുടെ ഞായര് ആഘോഷത്തില് വിശുദ്ധബലി മദ്ധ്യേ നല്കിയ സന്ദേശത്തിലാണ് പാപ്പായുടെ ഈ നിര്ദേശമുള്ളത്.
“ക്രൈസ്തവരായ നമുക്ക് ക്രിസ്തുവിന്റെ കരുണയിലേയ്ക്ക് കണ്തുറക്കാം. സമാധാനത്തിലൂടെയും ക്ഷമയിലൂടെയും സ്വന്തം മുറിവുകളിലൂടെയും അവിടുന്ന് നല്കുന്ന ആ കാരുണ്യം നമ്മുടെ സഹോദരങ്ങളുമായി പങ്കുവയ്ക്കുകയും ചെയ്യാം” -പാപ്പാ പറഞ്ഞു.
കരുണയുടെ സാക്ഷികളാകാനുള്ള കൃപ ദൈവത്തോട് നമുക്ക് യാചിക്കാം. അതുവഴി മാത്രമേ നമ്മുടെ വിശ്വാസം നമുക്ക് ജീവിക്കാന് കഴിയുകയുള്ളു. അതുവഴി മാത്രമേ സുവിശേഷം പ്രസംഗിക്കാന് സാധിക്കൂ. കരുണയില്ലാതെ സ്നേഹം പോലും പ്രകടമാക്കാന് സാധിക്കുകയില്ല എന്നും പാപ്പാ വ്യക്തമാക്കി.