ദൈവം വിഭാവനം ചെയ്തതു പോലെയാകട്ടെ നമ്മുടെ ഗ്രഹം: മാര്‍പാപ്പ

ദൈവത്തിന്റെ ഉപകരണങ്ങളാകാന്‍ അവിടന്നു നമ്മെ വിളിച്ചിരിക്കുന്നുവെന്ന് ഫ്രാന്‍സിസ് മാര്‍പാപ്പാ ഓര്‍മ്മിപ്പിക്കുന്നു.

‘സൃഷ്ടിയുടെ കാലം’ (#SeasonOfCreation) എന്ന ഹാഷ്ടാഗോടു കൂടി ശനിയാഴ്ച കണ്ണിചേര്‍ത്ത ട്വിറ്റര്‍ സന്ദേശത്തിലാണ് ഫ്രാന്‍സിസ് പാപ്പായുടെ ഈ ഓര്‍മ്മപ്പെടുത്തലുള്ളത്.

“പിതാവായ ദൈവത്തിന്റെ ഉപകരണങ്ങളാകാന്‍ നമ്മള്‍ വിളിക്കപ്പെട്ടിരിക്കുന്നു. നമ്മുടെ ഗ്രഹം, അവിടുന്ന് സൃഷ്ടികര്‍മ്മവേളയില്‍ വിഭാവനം ചെയ്തതുപോലെ ആയിത്തീരുന്നതിനും സമാധനത്തിന്റെയും സൗന്ദര്യത്തിന്റെയും സമ്പൂര്‍ണ്ണതയുടെയുമായ അവിടത്തെ പദ്ധതിക്കനുസൃതമാകുന്നതിനും വേണ്ടിയാണ് അത്” എന്നാണ് പാപ്പാ കുറിച്ചിരിക്കുന്നത്.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.