എട്ട് അഭയാർത്ഥി കുട്ടികളെ തന്നോടൊപ്പം പോപ്പ് മൊബീലിൽ യാത്ര ചെയ്യാൻ അനുവദിച്ച് മാർപാപ്പ. ലിബിയയിൽ നിന്നെത്തിയവരെങ്കിലും സിറിയ, നൈജീരിയ, കോംഗോളി ദേശക്കാരായ കുട്ടികളാണ് അവർ. റോമിലെ ഒരു സംഘടനയായ ഹുമാനിറ്റേറിയൻ കൊറിഡോറാണ് ഇവർക്ക് ആതിഥേയത്വം നൽകുന്നത്.
ഏപ്രിൽ 29-ന് ബോട്ടിലാണ് കുട്ടികൾ ഇറ്റലിയിലെത്തിയത്. മെഡിറ്ററേനിയൻ കടൽ മാർഗ്ഗമുള്ള അഭയാർത്ഥികളുടെ അപകടകരമായ യാത്ര ഒഴിവാക്കി ഹ്യുമാനിറ്റേറിയൻ വിസ വഴി ശരിയായ പ്രവേശനം ഇക്കൂട്ടർക്ക് സാധ്യമാക്കാനായി പ്രവര്‍ത്തിക്കുന്ന സംഘടനയാണ് ഹ്യുമാനിറ്റേറിയൻ കോറിഡോർ. ഭക്ഷണം, പാർപ്പിടം, വിദ്യാഭ്യാസം, ജോലി എന്നിവയ്ക്കുള്ള മാർഗ്ഗങ്ങളും സംഘടന ഒരുക്കി നൽകുന്നു.
