ഇറാഖിലെ ചാവേർ ആക്രമണം: അനുശോചനം രേഖപ്പെടുത്തി പാപ്പാ

ബാഗ്ദാദിൽ നടന്ന രണ്ട് ചാവേർ ബോംബാക്രമണങ്ങളിൽ കൊല്ലപ്പെട്ടവർക്കായി താൻ പ്രാർത്ഥിക്കുന്നുവെന്ന് ഫ്രാൻസിസ് മാർപാപ്പ. ജനുവരി 21 -ന് രാവിലെ മധ്യ ബാഗ്ദാദിലെ തയാരൻ സ്‌ക്വയറിനടുത്തുള്ള മാർക്കറ്റിൽ ആണ് രണ്ട് ചാവേർ ബോംബ് സ്ഫോടനനങ്ങൾ നടന്നത്. ഈ സ്‌ഫോടനത്തിൽ 32 പേർ മരിക്കുകയും 100 -ലധികം പേർക്ക് പരിക്കേൽക്കുകയും ചെയ്തു.

“വിവേകശൂന്യമായ ഈ ക്രൂരകൃത്യത്തെ അപലപിക്കുന്നു. മരിച്ചവർക്കും അവരുടെ കുടുംബങ്ങൾക്കും, പരിക്കേറ്റവർക്കും, ഉദ്യോഗസ്ഥർക്കും വേണ്ടി അദ്ദേഹം പ്രാർത്ഥിക്കുന്നു. സാഹോദര്യത്തോടും ഐക്യദാർഢ്യത്തോടും സമാധാനത്തോടും കൂടി അക്രമത്തെ അതിജീവിക്കാൻ എല്ലാവരും ശ്രമിക്കുമെന്ന് വിശ്വസിക്കുന്നു. ഫ്രാൻസിസ് മാർപാപ്പ രാഷ്ട്രത്തോടും അവിടുത്തെ ജനങ്ങളോടും ദൈവത്തിന്റെ അനുഗ്രഹത്തിനായി പ്രാർത്ഥിക്കുകയും ചെയ്യുന്നു,” – വത്തിക്കാൻ സ്റ്റേറ്റ് സെക്രട്ടറി കർദിനാൾ പിയട്രോ പരോളിൻ, ഫ്രാൻസിസ് മാർപാപ്പയെ പ്രതിനിധീകരിച്ച് ഇറാഖ് പ്രസിഡന്റ് ബർഹാം സാലിഹിന് അയച്ച ടെലഗ്രാം സന്ദേശത്തിൽ പറയുന്നു.

മാർച്ച് 5-8 തീയതികളിൽ പാപ്പാ ഇറാഖ് സന്ദർശിക്കാനിരിക്കെ ആണ് ഈ ആക്രമണം. തീരുമാനമനുസരിച്ച് യാത്ര നടത്തിയാൽ ഇറാഖ് സന്ദർശിക്കുന്ന ആദ്യത്തെ പാപ്പാ ആയിരിക്കും ഫ്രാൻസിസ് പാപ്പാ.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

അഭിപ്രായങ്ങൾ

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.