ലോകാരോഗ്യ സംഘടന ഏർപ്പെടുത്തിയ ലോക എയ്‌ഡ്‌സ്‌ ദിനത്തിൽ, ഈ മഹാമാരിയാൽ ബുദ്ധിമുട്ടനുഭവിക്കുന്ന ആളുകൾക്കു വേണ്ടി പ്രാർത്ഥിക്കാൻ ആഹ്വാനം ചെയ്‌ത്‌ ഫ്രാൻസിസ് പാപ്പാ. ഡിസംബർ ഒന്നിന് എയ്‌ഡ്‌സ്‌ (#AIDS), ഒരുമിച്ച് പ്രാർത്ഥിക്കാം (#PrayTogether) എന്നീ ഹാഷ്ടാഗുകളോടു കൂടി ട്വിറ്ററിൽ കുറിച്ച സന്ദേശത്തിലാണ് എയ്‌ഡ്‌സ്‌ മഹാമാരി ബാധിച്ച ആളുകൾക്കു വേണ്ട സഹായസഹകരണങ്ങൾ നൽകുന്നതിനേക്കുറിച്ച് പാപ്പാ എഴുതിയത്.
ഈ അസുഖം ബാധിച്ച പല ആളുകൾക്കും, ലോകത്തിന്റെ ചില പ്രദേശങ്ങളിൽ അവശ്യ പരിചരണത്തിനുള്ള പ്രവേശനം ലഭ്യമല്ല. എല്ലാവർക്കും തുല്യവും, ഫലപ്രദവുമായ രോഗചികിത്സ ഉറപ്പാക്കാൻ നമുക്ക് ശ്രമിക്കാം എന്നും പാപ്പാ കൂട്ടിച്ചേർത്തു.
