കോവിഡ് വാക്സിന്റെ ആദ്യ ഡോസ് ഫ്രാൻസിസ് പാപ്പാ സ്വീകരിച്ചു. തന്റെ പൊതുപരിപാടികൾ നടത്തുന്ന വത്തിക്കാനിലെ പോൾ ആറാമൻ ഹാളിൽ വച്ചാണ് പാപ്പാ വാക്സിന്റെ ആദ്യ ഡോസ് സ്വീകരിച്ചത്. പാപ്പാ മൂന്നാഴ്ചയ്ക്കുള്ളില്‍ അടുത്ത വാക്സിൻ സ്വീകരിക്കും.
ഫൈസർ വികസിപ്പിച്ചെടുത്ത കോവിഡ് -19 വാക്സിൻ ആണ് പാപ്പാ സ്വീകരിച്ചത്. ഇതേ തുടർന്ന് വത്തിക്കാനിൽ വാക്സിൻ നൽകുന്നതിനുള്ള ക്യാമ്പയിൻ ആരംഭിച്ചു. ബെനഡിക്റ്റ് പതിനാറാമൻ പപ്പായും വാക്സിൻ സ്വീകരിക്കും എന്ന് അദ്ദേഹത്തിന്റെ പേഴ്‌സണൽ സെക്രട്ടറി അറിയിച്ചിരുന്നു. എല്ലാ വത്തിക്കാൻ ജീവനക്കാർക്കും ആരോഗ്യ-ശുചിത്വ ഡയറക്ടറേറ്റിലെ മെഡിക്കൽ ഉദ്യോഗസ്ഥർ വാക്സിൻ നൽകും.
വത്തിക്കാനിൽ ആദ്യം വാക്സിൻ സ്വീകരിക്കുന്നത് ഫ്രാൻസിസ് പാപ്പാ ആണെങ്കിലും വാക്സിൻ സ്വീകരിക്കുന്നതിന്റെ ചിത്രങ്ങൾ അദ്ദേഹത്തിന്റെ സ്വകാര്യതയെ മാനിച്ചുകൊണ്ട് പുറത്തു വിട്ടിട്ടില്ല.
