ലോകത്തിന്റെ വിവിധ ഇടങ്ങളില്‍ മാതൃദിനം കൊണ്ടാടുന്ന മേയ് മാസത്തിലെ രണ്ടാം ഞായറാഴ്ച, ലോകത്തിലെ എല്ലാ അമ്മമാരേയും അഭിവാദ്യം ചെയ്തും അഭിനന്ദിച്ചും മാര്‍പാപ്പ. “ലോകത്തിലെ എല്ലാ അമ്മമാര്‍ക്കും മാതൃദിനത്തിന്റെ ആശംസകള്‍ നേരുന്നു. മരണത്തിനു കീഴടങ്ങിയ അമ്മമാരേയും പ്രത്യേകം അനുസ്മരിക്കുന്നു. എല്ലാ അമ്മാര്‍ക്കും അഭിനന്ദനങ്ങള്‍” – പാപ്പാ പറഞ്ഞു.
മാതൃദിനാശംസകള്‍ നേര്‍ന്നതിനുശേഷം കാബൂളിലും കൊളംബിയയിലും അരങ്ങേറുന്ന സംഘര്‍ഷങ്ങള്‍ക്ക് അവസാനമുണ്ടാകുന്നതിനുവേണ്ടി പ്രാര്‍ത്ഥന തേടുകയും ഫൈബ്രോമയാല്‍ജിയ എന്ന, മാംസപേശികളിലും അസ്ഥികളിലും വിട്ടുമാറാത്ത വേദന അനുഭവപ്പെടുന്ന ഒരുതരം രോഗത്തിലൂടെ കടന്നുപോകുന്ന എല്ലാവരേയും തന്റെ പ്രാര്‍ത്ഥന അറിയിക്കുകയും ചെയ്തു. മേയ് 12-നാണ് അന്താരാഷ്ട്ര ഫൈബ്രോമയാല്‍ജിയ ദിനം.
