പതിവനുസരിച്ച്, ഈശോയുടെ ജ്ഞാനസ്നാന ദിനത്തിനുശേഷം വരുന്ന ഞായറാഴ്ച പാപ്പാ, സിസ്റ്റൈൻ ചാപ്പലിൽ വത്തിക്കാൻ ജോലിക്കാരുടെ മക്കൾക്ക് മാമ്മോദീസ നൽകിയിരുന്നു. എന്നാൽ, ഈ വർഷം മാമ്മോദീസ ചടങ്ങുകൾ ഉണ്ടാകില്ലെന്ന് വത്തിക്കാൻ പ്രസ് ഓഫീസ് അറിയിച്ചു.
ആരോഗ്യസ്ഥിതികൾ കാരണം മുൻകരുതലെന്ന നിലയിലാണ് ഈ വർഷം പരിശുദ്ധ പിതാവ് അദ്ധ്യക്ഷത വഹിക്കുന്ന കുട്ടികളുടെ ജ്ഞാനസ്നാന ചടങ്ങുകൾ സിസ്റ്റൈൻ ചാപ്പലിൽ ആഘോഷിക്കാത്തത്. ഈ വർഷം ബന്ധപ്പെട്ട ഇടവകകളിൽ ആഘോഷിക്കുമെന്നും പ്രസ് ഓഫീസ് അറിയിച്ചു. എപ്പിഫനി തിരുനാളിന് ശേഷമുള്ള ഞായറാഴ്ചയിലാണ് സഭ കർത്താവിന്റെ ജ്ഞാനസ്നാന ദിനമായി ആഘോഷിക്കുന്നത്.
