ഫ്രഞ്ച് സന്യാസിനി, വാഴ്ത്തപ്പെട്ട മേരി റിവിയറിന്റെ മദ്ധ്യസ്ഥതയിൽ നടന്ന അത്ഭുതത്തിന് ഫ്രാൻസിസ് മാർപാപ്പ അംഗീകാരം നൽകി. ഡിസംബർ 13 -നു പുറപ്പെടുവിച്ച ഉത്തരവിലൂടെയാണ് പാപ്പ ഈ അത്ഭുതത്തിന് അംഗീകാരം നൽകിയത്.
ഹൈഡ്രോപ്സ് ഫെറ്റാലിസ് എന്ന രോഗം ബാധിച്ച നവജാത ശിശുവിനാണ്, മേരി റിവിയറിനോടുള്ള മദ്ധ്യസ്ഥതയിലൂടെ സൗഖ്യം ലഭിച്ചത്. ശ്വാസകോശത്തിനും ഹൃദയത്തിനും ചുറ്റും ദ്രാവകം അടിഞ്ഞുകൂടുന്ന അപകടകരമായ രോഗാവസ്ഥയാണിത്. 2015 -ൽ ഫിലിപ്പൈൻസിലാണ് ഈ അത്ഭുതം നടന്നത്.
ഫ്രഞ്ച് വിപ്ലവത്തിനിടയിൽ ‘സിസ്റ്റേഴ്‌സ് ഓഫ് ദി പ്രസന്റേഷൻ ഓഫ് മേരി’ എന്ന സന്യാസ സഭ സ്ഥാപിച്ച വ്യക്തിയാണ് സി. മേരി റിവിയർ. 1768 ഡിസംബർ 19 -ന് തെക്കൻ ഫ്രാൻസിലാണ് റിവിയർ ജനിച്ചത്.
