ലോക് ഡൗണിനുശേഷം മാർപാപ്പയുടെ ആദ്യ പൊതുകൂടിക്കാഴ്ചയിൽ സെപ്റ്റംബർ 4 -ന് ആഗോളതലത്തിൽ ലെബനനുവേണ്ടി പ്രാർത്ഥിക്കാൻ ആഹ്വാനം ചെയ്ത് ഫ്രാൻസിസ് പാപ്പാ. അതോടൊപ്പം ഒരു നിമിഷം എല്ലാവരും നിശബ്ദതയിൽ ലെബനനുവേണ്ടി പ്രാർത്ഥിക്കുവാൻ പൊതു ജനങ്ങളോട് പാപ്പാ ആഹ്വാനം ചെയ്യുകയും ചെയ്തു.
സെപ്റ്റംബർ 4 -ന് ലെബനനുവേണ്ടി സാർവത്രിക തലത്തിൽ പ്രാർത്ഥനയും നോമ്പും നടക്കും. പാപ്പായെ വ്യക്തിപരമായി പ്രതിനിധീകരിക്കുന്നതിനായി കർദിനാൾ സ്റ്റേറ്റ് സെക്രട്ടറി പിയട്രോ പരോളിൻ അന്നേദിനം ലെബനനിൽ ഹാജരാകുമെന്നും പാപ്പാ പറഞ്ഞു.
