ഫ്രാൻസിസ് പാപ്പാ ഇന്ത്യയിലെ ബറൂയിപുർ രൂപതയുടെ സഹായമെത്രാനായി ഫാ. ഷ്യമാല് ബോസിനെ മെയ് പതിനേഴാം തീയതി വെള്ളിയാഴ്ച നിയമിച്ചു.
വെസ്റ്റ് ബംഗാൾ സംസ്ഥാനത്തിലുള്ള ബറൂയിപുർ രൂപതയിൽ ഗോസാബാ എന്ന സ്ഥലത്താണ് ഫാ. ഷ്യമാല് ബോസ് ജനിച്ചത്. 1991 മെയ് 5-ാം തീയതി വൈദികനായ അദ്ദേഹം, ബെംഗളൂരുവിലുള്ള സെന്റ് പീറ്റേഴ്സ് പൊന്തിഫിക്കൽ ഇന്സ്റ്റിട്ട്യൂട്ടിൽ ദൈവശാസ്ത്രത്തിൽ ബിരുദാനന്തരബിരുദം നേടി. രൂപതയുടെ ധനകാര്യ വിഭാഗത്തിലും, ചാന്സിലറുമായി സേവനമനുഷ്ഠിച്ചു വരികയായിരുന്നു ഫാ. ഷ്യമാല് ബോസ്.
1978 മാർച്ച് 12-ാം തീയതി പോൾ ആറാമന്റെ കാലത്തിൽ കൽക്കട്ടാ അതിരൂപതയിൽ നിന്നും വേർപെടുത്തി രൂപതയാക്കപ്പെട്ടതാണ് ബറൂയിപുർ രൂപത. 95,69,779 ജനങ്ങൾ ഈ രൂപതയിൽ വസിക്കുന്നു. 62,847 കത്തോലിക്കാ വിശ്വാസികള് രൂപതയിലുണ്ട്.