രണ്ടാം ലോകമഹായുദ്ധത്തെ തുടർന്ന് കമ്മ്യൂണിസ്റ്റുകാർ അധികാരം പിടിച്ചെടുത്തതിനുശേഷം പോളണ്ടിലെ ക്രൈസ്തവമതം സംരക്ഷിക്കപ്പെടുന്നതിനായി പ്രയത്നിച്ച ആർച്ചുബിഷപ്പാണ് വിജെസിക് പോളിയ്ക്ക് വൈസസ്കി. അദ്ദേഹത്തിന്റെ നാല്പതാം ചരമവാർഷികം ആചരിച്ച് പോളണ്ടിലെ ക്രൈസ്തവസമൂഹം. 1981 മെയ് 28-ന് അന്തരിച്ച അദ്ദേഹത്തെ സെപ്റ്റംബർ 12-ന് വാഴ്ത്തപ്പെട്ടവനായി പ്രഖ്യാപിക്കും.
കമ്മ്യൂണിസത്തെ എതിർത്ത പോളിഷ് വൈദികരെ ശിക്ഷിക്കണമെന്ന ആവശ്യത്തെ അംഗീകരിക്കാതെ അവരെ സധൈര്യം പിന്തുണച്ചതിന് മൂന്നു വർഷത്തോളം വീട്ടുതടങ്കലിലായിരുന്നു അദ്ദേഹം. 1964-ല്‍ പോളണ്ടിലെ ആർച്ചുബിഷപ്പായി ഫാ. കരോൾ വൊയ്റ്റീവ ചുമതലയേറ്റപ്പോൾ ഏറ്റവും കൂടുതൽ പിന്തുണ നൽകിയതും കർദ്ദിനാൾ വൈസസ്കിയായിരുന്നു. ആ പിന്തുണ ജോൺപോൾ രണ്ടാമൻ പാപ്പായ്ക്ക് വലിയ മുതൽക്കൂട്ടായിരുന്നു. പോളണ്ടിലെ പ്രൈമേറ്റ് ആർച്ചുബിഷപ്പായിരുന്ന അദ്ദേഹത്തിന്റെ ഓർമ്മദിനത്തിൽ ബലിയർപ്പണത്തിന്റെ തത്സമയസംപ്രേഷണം ഉണ്ട്.
