ദിവ്യകാരുണ്യ മിഷനറി സഭാ സ്ഥാപകരിൽ ഒരാളായ ബഹുമാനപ്പെട്ട മാത്യു ആലക്കളം അച്ചന്റെ കൃതികളിൽ നിന്നും ഉരുത്തിരിഞ്ഞ ആശയം ഗാനരൂപത്തിൽ പുറത്തിറങ്ങുന്നു. ‘പരിശുദ്ധ പരമ ദിവ്യകാരുണ്യത്തിന്’ എന്ന പേരിലുള്ള ഈ സംഗീത പ്രാർത്ഥനാ മഞ്ജരിയിലെ ഓരോ വരികളും ഹൃദയത്തിൽ വിശുദ്ധ കുർബാനയോട് കൂടുതൽ പ്രണയമുണർത്തുന്നതാണ്.
ഫാദർ മാത്യു പയ്യപ്പിള്ളി എംസിബിഎസ് ആണ് സംഗീത സംവിധാനം നിർവ്വഹിച്ചിരിക്കുന്നത്. വിശുദ്ധ കുർബാന – കേന്ദ്രീകൃത ജീവിതം നയിക്കാൻ എന്നും പ്രചോദനമായിരുന്ന ഒരു വൈദികനായിരുന്നു ഫാദർ മാത്യു ആലക്കളം. അദ്ദേഹത്തിൻറെ കൃതികളിലൂടെ സ്‌ഫുരിച്ചിരുന്ന ദൈവാനുഭവത്തെ ആദ്യമായിട്ടാണ് ഗാനരൂപത്തിൽ ചിട്ടപ്പെടുത്തുന്നത്. ഇതിലെ ഗാനങ്ങൾ വിശ്വാസ ജീവിതത്തിൽ ഒരു മുതൽക്കൂട്ടാകും.
