ഗിറ്റാറിൽ വിസ്മയങ്ങൾ വിരിയിച്ച ഗിറ്റാർ മാന്ത്രികൻ എമിൽ ഐസക്സ് അന്തരിച്ചു. വിശുദ്ധ മദർ തെരേസയുമായി ഏറെ ഹൃദയബന്ധം പുലർത്തിയ സംഗീതകാരനായിരുന്നു അന്തരിച്ച എമിൽ ഐസക്സ്. മദർതെരേസയുടെ സംസ്കാരച്ചടങ്ങിൽ ഗിറ്റാർ വായിച്ചത് അദ്ദേഹം ആയിരുന്നു. എമിലിന് മദർ തെരേസയുമായി ദീർഘനാളത്തെ പരിചയമുണ്ട്.
കോൽക്കത്തയിലേക്ക് താമസം മാറ്റിയതുമുതൽ മദർ തെരേസയുമായി എമിൽ അടുത്ത് പ്രവർത്തിച്ചിരുന്നു.
മദറിന്റെ ചാരിറ്റി പ്രവർത്തനങ്ങളിൽ എമിൽ പങ്കാളിയായിരുന്നു. കാരുണ്യ പ്രവർത്തനത്തിനുള്ള പണം കണ്ടെത്തുന്നതിന്റെ ഭാഗമായി നടത്താറുള്ള സംഗീത പരിപാടികളിൽ ഗിറ്റാർ വായിക്കുന്നത് എമിൽ ആയിരുന്നു.