പാലാ: തിരുവല്ല രൂപതയുടെ അഡ്മിനിസ്ട്രേറ്ററായിരുന്ന മോൺ. ജോൺ കച്ചിറമറ്റത്തിന്റെ പേരിലുള്ള അവാർഡ് വിതരണം ചെയ്തു.വ.ഡോ. സേവ്യർ കൂടപ്പുഴയ്ക്കും റവ.ഡോ. മാത്യു മഠത്തിക്കുന്നേലിനും മോൺ. കച്ചിറമറ്റത്തിന്റെ പേരിലുള്ള അവാർഡ് പാല രൂപത മെത്രൻ മാർ കല്ലറങ്ങാട്ട് സമ്മാനിച്ചു.
ബൽഗാമിലും ആഫ്രിക്കയിലും പ്രേഷിതവേല നിർവഹിച്ച ഡോ. കച്ചിറമറ്റം മികച്ച സാഹിത്യകാരനും കഠിനാധ്വാനിയുമായിരുന്നുവെന്നുവെന്ന് അവാർഡ് നൽകി കൊണ്ട് ബിഷപ്പ് പറഞ്ഞു.
കാഞ്ഞിരപ്പള്ളി രൂപതാധ്യക്ഷൻ മാർ മാത്യു അറയ്ക്കൽ സമ്മേളനത്തിൽ അധ്യക്ഷത വഹിച്ചു.തിരുവല്ല രൂപതയുടെ അഡ്മിനിസ്ട്രേറ്ററായിരുന്ന മോൺ. ജോൺ കച്ചിറമറ്റം പുനരൈക്യത്തിന്‍റെ ആദ്യനാളുകളിൽ ചെയ്ത സേവനങ്ങൾ അവിസ്മരണീയങ്ങളാണെന്നു മാർ മാത്യു അറയ്ക്കൽ പറഞ്ഞു. പിഴക് സെന്‍റ് ജോൺസ് പാരീഷ്ഹാളിൽ നടന്ന സമ്മേളനത്തിൽ ഡോ. സിറിയക് തോമസ്, ഫാ. കുരുവിള തുടിയംപ്ലാക്കൽ, ഡോ. കെ.കെ. ജോസ്, ആൻസമ്മ സാബു തെങ്ങുംപള്ളിൽ എന്നിവർ പ്രസംഗിച്ചു. റവ.ഡോ. സേവ്യർ കൂടപ്പുഴയും റവ.ഡോ. മാത്യു മഠത്തിക്കുന്നേലും മറുപടി പ്രസംഗം നടത്തി.
