മിഷനറീസ് ഓഫ് ചാരിറ്റി സന്യാസ സമൂഹത്തിലെ അംഗമായ സി. കോൺസിലിയയെ ജാമ്യത്തിൽ വിട്ടയച്ചു. ഇന്നലെയാണ് ജാർഖണ്ഡ് ഹൈക്കോടതി ജാമ്യം അനുവദിച്ചത്. ഇതു സംബന്ധിച്ച വിവരങ്ങൾ പുറത്തുവിട്ടത് റാഞ്ചി സഹായമെത്രാൻ തിയഡോർ മസ്ക്രിനാസാണ്.
‘ദൈവം നമ്മോട് കരുണ കാണിച്ചു. കഴിഞ്ഞ 15 മാസമായി ഈ കേസിന്റെ വിജയത്തിനായി പരിശ്രമിച്ചുകൊണ്ടിരിക്കുന്ന എല്ലാവർക്കും നന്ദി’ – ബിഷപ്പ് തിയഡോർ പറഞ്ഞു.
അവിവാഹിതയായ സ്ത്രീയിലുണ്ടായ കുട്ടിയെ മറ്റൊരാൾക്ക് കൈമാറി എന്ന് ആരോപിച്ചുകൊണ്ട് കഴിഞ്ഞ വർഷം ജൂലൈ മാസത്തിലാണ് സിസ്റ്റർ കോൺസിലിയയെ അറസ്റ്റ് ചെയ്തത്.
