സ്ഥിരമായി ദൈവാലയത്തിൽ പോകുന്നവരുടെ മാനസിക ആരോഗ്യം മികച്ചതെന്ന് റിപ്പോർട്ട്

ആഴ്ചതോറും ദൈവാലയത്തിൽ എത്തുകയും വിശ്വാസപരമായ ആചാരങ്ങളിലും കൂദാശകളിലും സജീവമായി പങ്കെടുക്കുകയും ചെയ്യന്നവർക്ക് മികച്ച മാനസിക നിലവാരം പുലർത്താൻ കഴിയുന്നുണ്ടെന്ന് റിപ്പോർട്ട്. ഗാലുപ്പ് നടത്തിയ സർവ്വേയിലാണ് ഈ കണ്ടെത്തൽ. കഴിഞ്ഞ രണ്ട് ദശകങ്ങളിലെ ആളുകൾക്ക് ഉണ്ടായിരുന്നതിനേക്കാൾ മോശമായ മാനസികനിലയാണ് അമേരിക്കൻ ജനതയിൽ ഇപ്പോൾ കണ്ടുവരുന്നതെന്നും റിപ്പോർട്ടിൽ വ്യക്തമാക്കുന്നു.

യുഎസിലെ മുതിർന്നവരിൽ എഴുപത്തിയാറ് ശതമാനം പേരും അവരുടെ മാനസികാരോഗ്യത്തെ ക്രിയാത്മകമായി വിലയിരുത്തുമ്പോൾ ഒൻപതു ശതമാനം ഇടിവാണ് റിപ്പോർട്ട് രേഖപ്പെടുത്തുന്നത്. പ്രത്യേകിച്ചും കോവിഡ്-19 പകർച്ചവ്യാധിയുടെ പശ്ചാത്തലത്തിൽ പലരും നിരാശയുടെ വക്കിലാണ്. എങ്കിലും പതിവായി ദൈവാലയത്തിൽ പോകുന്നവരും ആത്മീയമായ കാര്യങ്ങളിൽ കൂടുതൽ ശ്രദ്ധ വയ്ക്കുന്നവരും മാനസികമായ സമനിലയുടെ കാര്യത്തിലും ആരോഗ്യത്തിലും മികവ് പുലർത്തുന്നു.

പതിവായി ദൈവാലയ ശുശ്രൂഷകളിൽ പങ്കെടുക്കുന്നവരിൽ നാൽപത്തിയാറു ശതമാനം പേരും തങ്ങളുടെ മാനസികാരോഗ്യം 2020-ൽ കൂടുതൽ മെച്ചപ്പെട്ടെന്നു വെളിപ്പെടുത്തി. 2010-ൽ നടന്ന ഒരു പഠനം ആത്മീയകാര്യങ്ങളിൽ സജീവമായ സ്ത്രീകൾ മറ്റുള്ളവരേക്കാൾ കൂടുതൽ ശക്തരും മാനസികബലം ഉള്ളവരുമാണെന്ന് കണ്ടെത്തിയിരുന്നു.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.