സമാധാനം തേടി അലയുന്ന സകല മനുഷ്യർക്കുമുള്ള ദൈവത്തിന്റെ നിത്യമായ ഉത്തരമാണ് വിശുദ്ധ കുർബാന എന്ന് തലശ്ശേരി അതിരൂപത സഹായമെത്രാൻ മാർ ജോസഫ് പാംപ്ലാനി പ്രസ്താവിച്ചു. ഹംഗറിയുടെ തലസ്ഥാനമായ ബുഡാപെസ്റ്റിൽ നടക്കുന്ന ദിവ്യകാരുണ്യ കോൺഗ്രസ്സിൽ ദിവ്യകാരുണ്യം പ്രത്യാശയുടെ ഉറവിടം എന്ന വിഷയത്തെ ആധാരമാക്കിയുള്ള പ്രബന്ധം അവതരിപ്പിക്കുകയായിരുന്നു അദ്ദേഹം.
ദിവ്യകാരുണ്യം പകരുന്ന പ്രത്യാശയുടെ സന്ദേശത്തെ ഏറ്റവും ആഴത്തിൽ അടയാളപ്പെടുത്തുന്ന ആരാധനാക്രമം പൗരസ്ത്യ സുറിയാനി സഭയുടെ ആരാധനാക്രമമാണെന്നും അദ്ദേഹം കൂട്ടിച്ചേർത്തു.
