വൈദ്യശാസ്ത്ര രംഗം മാറ്റത്തിലൂടെ കടന്നുപോകുകയാണ് അതുൾക്കൊള്ളാൻ ശുശ്രൂഷകർക്ക് കഴിയണമെന്ന് പാലാ രൂപതാധ്യക്ഷൻ മാർ ജോസഫ് കല്ലറങ്ങാട്ട്. മൂലമറ്റം ബിഷപ് വയലിൽ മെഡിക്കൽ സെന്റർ മാനസികാരോഗ്യ വിഭാഗത്തിന്റെയും സ്കൂൾ ഓഫ് നഴ്സിംഗിന്റെയും രജത ജൂബിലി സമ്മേളനത്തിൽ അധ്യക്ഷത വഹിച്ച് പ്രസംഗിക്കുകയായിരുന്നു അദ്ദേഹം. മനുഷ്യന്റെ മനസുകൂടി പഠിച്ച് ചികിൽസ നൽകണമെന്നും മൂലമറ്റം ബിഷപ് വയലിൽ ആശുപത്രിയുടെ പ്രത്യേകതയും ഇതു തന്നെയാണെന്ന് ബിഷപ് ചൂണ്ടിക്കാട്ടി. അദ്ദേഹം കൂട്ടിച്ചേർത്തു.
റോഷി അഗസ്റ്റിൻ എംഎൽഎ സമ്മേളനം ഉദ്ഘാടനം ചെയ്തു. ബിഷപ് വയലിൽ ആശുപത്രി ജംഗ്ഷനിൽ ഹൈമാസ്റ്റ് ലൈറ്റ് അനുവദിച്ചതായി എംഎൽഎ പറഞ്ഞു. യോഗത്തിൽ വേൾഡ് സൈക്യാട്രിക് അസോസിയേഷൻ ജനറൽ സെക്രട്ടറി ഡോ. റോയി കള്ളിവയലിൽ മുഖ്യ പ്രഭാഷണം നടത്തി. അഡ്മിനിസ്ട്രേറ്റർ സിസ്റ്റർ ഡോ.ആനി സിറിയക് സ്വാഗതവും നഴ്സിംഗ് സ്കൂൾ പ്രിൻസിപ്പൽ സിസ്റ്റർ ആൻസി കുളമാക്കൽ നന്ദിയും പറഞ്ഞു.