മൂവാറ്റുപുഴ: മരണത്തെയും മരണാനന്തര ജീവിതത്തെക്കുറിച്ചും ഉപഭോഗ സംസ്കാരത്തിന്റെ കാലഘട്ടത്തിൽ മരണത്തെയും ക്രൈസ്തവർ വിശ്വാസപൂർവം ചിന്തിക്കണമെന്ന് സീറോ മലബാർ ഡോക്ട്രൈനൽ കമ്മീഷൻ ചെയർമാൻ മാർ ജോസഫ് കല്ലറങ്ങാട്ട്. ഇടുക്കി-കോതമംഗലം രൂപതകളുടെ സംയുക്താഭിമുഖ്യത്തിൽ മൂവാറ്റുപുഴ നെസ്റ്റിൽ സംഘടിപ്പിച്ച പ്രാദേശിക ദൈവശാസ്ത്ര സമ്മേളനത്തിൽ പ്രസംഗിക്കുകയായിരുന്നു ബിഷപ്.
തലശേരി അതിരൂപത സഹായമെത്രാൻ മാർ ജോസഫ് പാംപ്ലാനി യുഗാന്ത്യ ദൈവശാസ്ത്രത്തെക്കുറിച്ച് വിഷയാവതരണം നടത്തി. ഇടുക്കി ബിഷപ് മാർ ജോണ് നെല്ലിക്കുന്നേൽ സമ്മേളനം ഉദ്ഘാടനം ചെയ്തു. കോതമംഗലം രൂപത വികാരി ജനറാൾ മോണ്. ചെറിയാൻ കാഞ്ഞിരക്കൊന്പിൽ അധ്യക്ഷത വഹിച്ചു. നെസ്റ്റ് ഡയറക്ടർ റവ.ഡോ. ജോർജ് കാരക്കുന്നേൽ സ്വാഗതവും റവ.ഡോ. ജോർജ് കുഴുപ്പിള്ളിൽ നന്ദിയും പറഞ്ഞു.