സഭയുടെ മുഖ്യധാരയിൽ കുടുംബങ്ങളെ ചേർത്ത് നിറുത്തി ആത്മീയമേഖലയിൽ മാത്രമല്ല, ഭൗതിക തലത്തിൽ ശക്തിപ്പെടുത്തുമെന്നും കുടുബങ്ങളിലൂടെയാണ് സഭ ജീവിച്ചുവളരുന്നതെന്നും കാഞ്ഞിരപ്പിള്ളി രൂപതാധ്യക്ഷൻ മാർ ജോസ് പുളിക്കൽ. കാഞ്ഞിരപ്പിള്ളി രൂപതാ പാസ്റ്ററൽ കൗൺസിൽ സമ്മേളനം ഉദ്‌ഘാടനം ചെയ്തു സംസാരിക്കുകയായിരുന്നു അദ്ദേഹം.
ആഗോള കത്തോലിക്കാ സഭ ആഹ്വാനം ചെയ്തിരിക്കുന്ന കുടുബവർഷാചരണത്തിന്റെ ഭാഗമായി രൂപതാ തലത്തിൽ കൂടുതൽ കുടുംബ ക്ഷേമ പദ്ധതികൾ നടപ്പാക്കുമെന്ന് അദ്ദേഹം അറിയിച്ചു.
