സഭയിലെ വ്യക്തികൾക്കോ ഏതാനും പേർക്കോ ഉണ്ടാകുന്ന വീ ഴ്ച കൾ സഭയുടെ മുഴുവൻ പരാജയമായി കണക്കാക്കരുതെന്നു സീറോ മലബാർ മേജർ ആർച്ച് ബിഷപ്പ് കർദിനാൾ മാർ ജോർജ്ജ് ആലഞ്ചേരി. സഭാ സമൂഹത്തിനു നൽകിയ സർക്കുലറിലാണ് ഈ കാര്യം വ്യക്തമാക്കിയിരിക്കുന്നത്.
പരീക്ഷണങ്ങളെ നേരിടാൻ സഭയോടൊപ്പം നിൽക്കാം എന്നും ഇടർച്ചയുണ്ടാകുന്ന സംഭവങ്ങൾ മുൻപും ഉണ്ടായിട്ടുണ്ട് എന്നും അവയെ ന്യായീകരിക്കുവാൻ കഴിയില്ല എന്നും ബിഷപ്പ് ചൂണ്ടിക്കാട്ടി. ഇത്തരം സംഭവങ്ങൾ ഉണ്ടാകാതിരിക്കാൻ എല്ലാവരും ശ്രദ്ധിക്കണം എന്നും അദ്ദേഹം ഓർമിപ്പിക്കുന്നു . ഇപ്പോൾ നടക്കുന്ന രീതികൾ സഭയുടെ സന്ദേശത്തിനോ സാക്ഷ്യത്തിനോ നിരക്കുന്നതാണോ എന്ന് പരിശോധിക്കേണ്ടിയിരിക്കുന്നു എന്ന് അദ്ദേഹം സർക്കുലറിൽ പറയുന്നു.
