ആഗോള പൗരസ്ത്യ കൽദായ സുറിയാനി സഭയുടെ പരമാധ്യക്ഷനായി മാർ ആവാ റോയേൽ എപ്പിസ്കോപ്പ തിരഞ്ഞെടുക്കപ്പെട്ടു. ഓസ്ട്രേലിയയിലെ മെത്രാപ്പോലീത്ത മാർ മീലിസ് സയ്യയുടെ അധ്യക്ഷതയിൽ സഭ ആസ്ഥാനമായ ഇറാഖിലെ എർബിലിൽ നടക്കുന്ന സിനഡിലാണ് സഭയുടെ 122 -മത് പാത്രിയർക്കീസായി കാലിഫോർണിയയിലെ ബിഷപ്പായ മാർ ആവാ റോയേൽ എപ്പിസ്കോപ്പ തിരഞ്ഞെടുക്കപ്പെടുന്നത്.
സഭയുടെ 121 -മതത്തെ പാത്രിയർക്കീസ് മാറൻ മാർ ഗീവർഗീസ് സ്ലീവ മൂന്നാമൻ സ്ഥാനത്യാഗം ചെയ്തതിനാലാണ് പുതിയ പാത്രിയർക്കീസിനെ തിരഞ്ഞെടുത്തത്.