പോണ്ടിച്ചേരി- കൂടല്ലൂർ ആർച്ചുബിഷപ്പ് മാർ ആന്റണി അനന്തരായർ കാലം ചെയ്തു. മെയ് നാലാം തിയതി രാവിലെ 9.30 -ന് ചെന്നൈയിലെ സെന്റ് തോമസ് ഹോസ്പിറ്റലിൽ വെച്ചായിരുന്നു അന്ത്യം. 75 വയസുള്ള അദ്ദേഹം കോവിഡ് ബാധിതനായിരുന്നു. ഇന്ന് വൈകുന്നേരം നാല് മണിക്ക് പോണ്ടിച്ചേരിയിലെ ഇമ്മാക്കുലേറ്റ് കൺസെപ്ഷൻ ദൈവാലയത്തിൽ ഭൗതിക ശരീരം സംസ്കരിക്കും.
1945 ജൂലൈ 18 -ന് തമിഴ്നാട് കോടമ്പാക്കം രൂപതയിലെ വരദരാജ്പേട്ടിലാണ് അദ്ദേഹം ജനിച്ചത്. പിന്നീട് സെന്റ് ആഗ്നസ് മൈനർ സെമിനാരിയിൽ പ്രവേശിച്ച അദ്ദേഹം 1971 ഡിസംബർ 21 -നാണ് വൈദികനായി അഭിഷിക്തനായത്. 1981 – 1976 കാലഘട്ടത്തിൽ ബാംഗ്ലൂർ സെന്റ് പീറ്റേഴ്സ് പൊന്തിഫിക്കൽ സെമിനാരിയുടെ പ്രൊഫെസ്സർ, വൈസ് റെക്ടർ, റെക്ടർ ആയി ചുമതലകള് വഹിച്ചിട്ടുണ്ട്. 50 വർഷത്തെ പൗരോഹിത്യ ജീവിതത്തിൽ 24 വര്ഷം അദ്ദേഹം ബിഷപ്പായിരുന്നു.