അമേരിക്കയിലെ വിസ്കോൻസിയിൽ ക്രിസ്മസ് ആഘോഷ പരിപാടികളിലേക്ക് കാർ പാഞ്ഞുകയറി നിരവധി പേർ കൊല്ലപ്പെട്ടതായി റിപ്പോർട്ട്. കുട്ടികളടക്കം ഇരുപതിലധികം പേർക്ക് പരിക്കേറ്റു.
വൗകെഷ നഗരത്തിലെ ക്രിസ്മസ് പരേഡിനിടയിലേക്കാണ് കാർ പാഞ്ഞുകയറിയത്. എസ്യുവി വാഹനമാണ് ആളുകൾക്ക് ഇടയിലേക്ക് പാഞ്ഞുകയറിയതെന്നും സംഭവത്തിൽ ഒരാളെ കസ്റ്റഡിയിൽ എടുത്തതായും പോലീസ് അറിയിച്ചു.
എത്ര പേർ മരിച്ചുവെന്ന കാര്യം സ്ഥിരീകരിച്ചിട്ടില്ല. സംഭവം ഭീകരാക്രമണമാണോ എന്ന് സംശയിക്കുന്നു. സ്ഥിതിഗതികൾ നിരീക്ഷിച്ചു വരുന്നതായി വൈറ്റ് ഹൗസ് അറിയിച്ചു.