കെസിബിസി ബൈബിള് കമ്മീഷന്റെ കീഴിലുള്ള കേരള കാത്തലിക് ബൈബിള് സൊസൈറ്റി സംഘടിപ്പിക്കുന്ന 21 -ാമത്തെ ആഗോള ബൈബിള് ക്വിസ് ഡിസംബര് 19 -ന് ഞായറാഴ്ച ഉച്ച കഴിഞ്ഞ് രണ്ട് മണിക്ക് അതതു സ്ഥലത്തെ കൊറോണ പ്രോട്ടോക്കോള് പ്രകാരം സംഘടിപ്പിക്കപ്പെടുന്നു. ഈ ബൈബിള് പഠനക്വിസില് പങ്കെടുക്കാന് ഒക്ടോബര് 31 വരെ രജിസ്ട്രേഷന് സൗകര്യമുണ്ടായിരിക്കും.
മലയാളം, ഇംഗ്ലീഷ്, തമിഴ് എന്നീ ഭാഷകളിലാണ് മത്സരം. കൊറോണയുടെ പശ്ചാത്തലത്തില് ഈ വര്ഷം ഗ്രൂപ്പുഭേദമില്ലാതെയുള്ള പൊതുവായ പരീക്ഷയായിരിക്കും സംഘടിപ്പിക്കുന്നത്. ഓരോ രൂപതയില് നിന്നും തിരഞ്ഞെടുക്കപ്പെടുന്ന രണ്ടു പേര് വീതം 2022 ജനുവരി 15 -ാം തീയതിയിലെ സംസ്ഥാനതല ഫൈനല് പരീക്ഷയില് പങ്കെടുക്കുന്നു. പരീക്ഷയിലെ ആദ്യസ്ഥാനക്കാര്ക്ക് ട്രോഫിയും 25,000, 20,000 15,000, 10,000, 5,000 എന്നീ ക്രമത്തില് ക്യാഷ്പ്രൈസും നല്കപ്പെടുന്നതാണ്.
സംസ്ഥാനതല പരീക്ഷയില് പങ്കെടുക്കുന്നവര്ക്കെല്ലാം ആകര്ഷകമായ സമ്മാനങ്ങള് ഉണ്ടായിരിക്കുമെന്ന് ബൈബിള് കമ്മീഷന് സെക്രട്ടറി ഡോ. ജോണ്സണ് പുതുശ്ശേരി അറിയിച്ചു.