“പ്രിയ കൂട്ടുകാരേ, ക്രിസ്തുവിനു വേണ്ടി മരിക്കുക എന്നത് എൻ്റെ നേട്ടമാണ്,” -വി. ജെയ്മി ഹിലാരിയോ ബാർബൽ (1898-1937). സ്പെയിനിലെ കറ്റലോണിയയിൽ നടന്ന സ്പാനിഷ് ആഭ്യന്തര യുദ്ധത്തിൽ കൊല്ലപ്പെട്ട 97 ലാസാലേ (LaSalle) സഹോദരന്മാരിൽ ഒരാളാണ് വിശുദ്ധ ജെയ്മി ഹിലാരിയോ ബാർബൽ.
വി. ജെയിം ഹിലാരിയോ ബാർബൽ, സ്പെയിനിലെ പൈറീനീസിൽ (Pyreness) ദൈവ വിശ്വാസമുള്ള ഒരു കുടുംബത്തിൽ ജനിച്ചു. പന്ത്രണ്ടാം വയസ്സിൽ പുരോഹിതനാകാനുള്ള ആഗ്രഹവുമായി സെമിനാരിയിൽ പ്രവേശിച്ചെങ്കിലും, കേൾവി സംബന്ധമായ പ്രശ്നങ്ങൾ കാരണം വീട്ടിലേക്കു തിരികെ പോകേണ്ടി വന്നു. പിന്നീട് 19-ാം വയസ്സിൽ,Institute of the Brothers of the Christian Schools എന്ന സന്യാസ സഭയിൽ ചേർന്നു. അധ്യാപകനും മത പഠനവിദഗ്ദനുമായി ജോലി തുടർന്ന ജെയിമിൻ്റെ കേൾവി 1930 -കളുടെ തുടക്കത്തിൽ കൂടതൽ വഷളായി തുടർന്നു. സ്പെയിനിലെ ടാരഗോണയിലെ (Tarragona) സാൻ ജോസിലെ ലാസല്ലെ ഹൗസിന്റെ പൂന്തോട്ടത്തിൽ ജോലി ചെയ്യാൻ തുടങ്ങി.
ഫാ. ജയ്സൺ കുന്നേൽ mcbs