സത്യമായി ഞാന്‍ നിങ്ങളോടു പറയുന്നു: സ്‌ത്രീകളില്‍ നിന്നു ജനിച്ചവരില്‍ സ്നാപക യോഹന്നാനെക്കാള്‍ വലിയവന്‍ ഇല്ല. എങ്കിലും സ്വര്‍ഗരാജ്യത്തിലെ ഏറ്റവും ചെറിയവന്‍ അവനെക്കാള്‍ വലിയവനാണ്‌ (മത്തായി 11 : 11).
സ്നാപക യോഹന്നാന്റെ മഹത്വത്തെ കുറിച്ചുള്ള യേശുസാക്ഷ്യത്തിന്റെ പാശ്ചാത്തലത്തിൽ “സ്ത്രീയിൽ നിന്നും ജനിച്ചവർ” (Born of Women), “ആത്മാവിൽ നിന്നും ജനിച്ചവർ” (Born of Spirit) എന്നിങ്ങനെ രണ്ടുതരം മനുഷ്യരെ കുറിച്ച് ചിന്തിക്കാം. സ്ത്രീയിൽ നിന്നും ജനിക്കുന്നവർ മാനുഷിക പരിശ്രമങ്ങളിലൂടെ അഥവാ ധാർമ്മികവും ബൗദ്ധികവുമായ വഴികളിലൂടെ മഹത്വത്തിന്റെ തലങ്ങളിൽ എത്തിച്ചേരാൻ പരിശ്രമിക്കുമ്പോൾ ആത്മാവിനാൽ ജനിക്കുന്നവർ ദൈവത്തിനുള്ള പരിപൂർണ്ണ സമർപ്പണത്തിലൂടെയാണ് പൂർണ്ണത നേടുന്നത്.
സ്ത്രീയില്‍ നിന്ന് ജനിക്കുന്നവർ തങ്ങളുടെ തന്നെ കഴിവുകളെ സാരഥിയുടെ സ്ഥാനത്ത് പ്രതിഷ്ഠിക്കുമ്പോൾ ആത്മാവിൽ നിന്ന് ജനിക്കുന്നവർ ദൈവത്തെ പ്രതിഷ്ഠിക്കുന്നു. ആത്മാവിൽ നിന്നും ജനിക്കുന്നവർ പുണ്യപൂർണ്ണതയിലേക്കുള്ള എളുപ്പമാർഗം കണ്ടെത്തുന്നു. ആമേൻ.
ഫാ. ജെറി വള്ളോംകുന്നേൽ MCBS, സത്താറാ
