“അവരെല്ലാവരും അവനെ കണ്ട് പരിഭ്രമിച്ചു പോയി. ഉടനെ അവന് അവരോടു സംസാരിച്ചു: ധൈര്യമായിരിക്കുവിന്. ഞാനാണ്; ഭയപ്പെടേണ്ടാ” (മര്ക്കോ 6:50).
പ്രത്യക്ഷീകരണ-ഞായർ (Ephyphany Sunday) കഴിഞ്ഞു വരുന്ന ആറു ദിവസങ്ങൾ പ്രത്യക്ഷീകരണ ആഴ്ച (Epiphany Octave) എന്നാണ് അറിയപ്പെടുക. ഈ ദിനങ്ങളിൽ ദൈവീക പ്രത്യക്ഷീകരണങ്ങളുടെ വിവരണങ്ങളാണ് സുവിശേഷങ്ങളിൽ ധ്യാനവിഷയമാക്കുക. പ്രത്യക്ഷീകരണ തിങ്കളാഴ്ചയിലെ സുവിശേഷം (Epiphany Monday) യേശുവിന്റെ പരസ്യജീവിതത്തിലേക്കുള്ള പ്രത്യക്ഷീകരണത്തെ അവതരിപ്പിച്ചു.
ഇന്നത്തെ സുവിശേഷത്തിൽ ജലത്തിനു മുകളിലൂടെ നടക്കുന്ന ക്രിസ്തു ഭയചകിതരായ ശിഷ്യരോട്, “ധൈര്യമായിരിക്കുവിന്. ഞാനാണ്; ഭയപ്പെടേണ്ടാ” എന്ന് അരുളിച്ചെയ്തു കൊണ്ട് തന്റെ ദൈവത്തെയും ദൈവീകശക്തിയേയും ശിഷ്യരുടെ മുൻപിൽ പ്രത്യക്ഷീകരിക്കുകയാണ്. ദൈവീകസ്നേഹത്തിലും പരിപാലനയിലും ദൃഢവിശ്വാസമുള്ള ഒരു വ്യക്തിയുടെ ഹൃദയത്തിൽ ദൈവം പ്രത്യക്ഷീകൃതമാകുന്നതിനാൽ അവിടെ ഭയത്തിന് ഇടമില്ല. ആമ്മേൻ.
ഫാ. ജെറി വള്ളോംകുന്നേൽ MCBS, സത്താറ