ലത്തീൻ നവംബർ 29 മത്തായി 8: 5-11 ദൈവിക-അധികാരം

“ഞാനും അധികാരത്തിനു കീഴ്‌പ്പെട്ടവനാണ്‌. എന്റെ കീഴിലും പടയാളികളുണ്ട്‌. ഒരുവനോട് പോകുക എന്നു പറയുമ്പോള്‍ അവന്‍ പോകുന്നു. അപരനോട് വരിക എന്നു പറയുമ്പോള്‍ അവന്‍ വരുന്നു. എന്റെ ദാസനോട്‌ ഇതു ചെയ്യുക എന്നു പറയുമ്പോള്‍ അവന്‍ അതു ചെയ്യുന്നു” (മത്തായി 8:9).

“ദൈവിക-അധികാരം” (Divine Authority), “മാനുഷിക-അധികാരം” (Human Authority) എന്നിങ്ങനെ അധികാരത്തെ രണ്ടായി തിരിക്കാം. നൂറ് പട്ടാളക്കാരുടെ മേൽ അധികാരമുള്ള ശതാധിപൻ മാനുഷിക അധികാരത്തെയും, രോഗങ്ങൾ സുഖപ്പെടുത്താൻ ശക്തിയുള്ള യേശുനാഥൻ ദൈവിക-അധികാരത്തെയും പ്രതിനിദാനം ചെയ്യുന്നു.

വിവിധങ്ങളായ മാനുഷിക-അധികാരങ്ങളെ (ഉദാ: രാജാവിന് പ്രജകളുടെ മേൽ, മാതാപിതാക്കൾക്ക് മക്കളുടെ മേൽ, അധ്യാപകർക്ക് വിദ്യാർത്ഥികളുടെ മേൽ ഉള്ള അധികാരം) ദൈവിക-അധികാരത്തിലുള്ള ഭാഗഭാഗിത്വമായാണ് കാണേണ്ടത്. ശതാധിപന്റെ മാനുഷിക അധികാരം വിശ്വാസശക്തിയാൽ യേശുവിന്റെ ദൈവിക അധികാരത്തെ പിന്തുടർന്നപ്പോഴാണ് ഭൃത്യന്‍ സുഖപ്പെടുന്നത്.

മാനുഷിക-അധികാരങ്ങൾ ദൈവിക-അധികാരത്തെ (സത്യവും നീതിയും) പിന്തുടരുമ്പോൾ മനുഷ്യകുലത്തെ ബാധിക്കുന്ന രോഗങ്ങളായ ദാരിദ്യം, ചൂഷണം, അഴിമതി തുടങ്ങിയവ സുഖപ്പെടും. ആമ്മേൻ.

ഫാ. ജെറി വള്ളോംകുന്നേൽ MCBS, സത്താറ

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.