“അവിടെയുള്ള രോഗികളെ സുഖപ്പെടുത്തുവിന്‍. ദൈവരാജ്യം നിങ്ങളെ സമീപിച്ചിരിക്കുന്നുവെന്ന്‌ അവരോടു പറയുകയും ചെയ്യുവിന്‍” (ലൂക്കാ 10:9).
വിജാതീയകുടുംബത്തിൽ ജനിച്ച ലൂക്കാ തൊഴിൽപരമായി ഒരു വൈദ്യനായിരുന്നു. ആദിമ ക്രിസ്ത്യാനികളുടെ സ്നേഹപരവും മാതൃകാപരവുമായ ജീവിതത്തിൽ ആകൃഷ്ടനായ അദ്ദേഹം പിന്നീട് ഒരു ക്രിസ്ത്യാനിയായിത്തീർന്നു. തുടർന്ന് വിജാതീയരിലേക്ക് ക്രിസ്തുവിനെ എത്തിക്കുന്ന സുവിശേഷദൗത്യത്തിന് രൂപവും ഭാവവും ലൂക്കാ തന്റെ രചനകളിലൂടെ നൽകി.
1. സുവിശേഷകൻ (Gospelist): മൂന്നാമത്തെ സുവിശേഷത്തിന്റെ രചയിതാവായും ആദിമസഭയുടെ തുടക്കവും വളർച്ചയും ഉൾക്കൊള്ളിക്കുന്ന അപ്പസ്തോല പ്രവർത്തനങ്ങൾ എന്ന പുസ്തകത്തിന്റെ രചയിതാവായും പുതിയനിയമത്തില്‍ നാലിലൊന്നിന്റെയും രചയിതാവായി.
2. പതിത-സ്നേഹി (Pro-poor): പാവപ്പെട്ടവരോടും പാപികളോട ഭൃഷ്ട് കൽപിക്കപെട്ടവരോടുമുള്ള യേശുവിന്റെ മനോഭാവത്തെ അവതരിപ്പിച്ചു. ദൈവികസ്വഭാവമായ “കാരുണ്യത്തെ” ഏറ്റവുമധികം അവതരിപ്പിക്കുന്ന രചയിതാവ് വി. ലൂക്കാ ആണ്.
3. വൈദ്യൻ (Physician): ലൂക്കായ്ക്ക് “വല്ലഭനായ വൈദ്യൻ” – Beloved Physician (കൊളോ 4:4) എന്ന വിശേഷണം നൽകുക വഴി വി. പൗലോസ്, ലൂക്കായുടെ ജീവിതത്തിൽ വിളങ്ങിനിന്നിരുന്ന സഹിക്കുന്നവരോടും പാവപ്പെട്ടവരോടുമുള്ള കാരുണ്യത്തെ ഉയർത്തിക്കാട്ടുന്നു.
4. വിശുദ്ധഗ്രന്ഥ ജ്ഞാനം (Biblical Wisdom): ഗ്രീക്ക് – പഴയനിയമ ഗ്രന്ഥങ്ങളെക്കുറിച്ചുള്ള അഗാധമായ പാണ്ഡിത്യം വിജാതീയക്രൈസ്തവരുടെ അപ്പോസ്തോലനാക്കി ലൂക്കയെ മാറ്റി.
സുവിശേഷകനും പതിതസ്നേഹിയും വൈദ്യനും ജ്ഞാനിയും ആയി ലൂക്കാ നൽികിയ രക്ഷയുടെ സാർവ്വലൗകിക പ്രഘോഷണമാതൃക ബഹുമുഖ പ്രാകൃതലോകത്ത് ക്രിസ്തുവിനെ പ്രഘോഷിക്കാൻ നമുക്ക് മാതൃകയാകട്ടെ. ആമ്മേൻ.
ഫാ. ജെറി വള്ളോംകുന്നേൽ MCBS, സത്താറ
