ലത്തീൻ ഏപ്രിൽ 09 യോഹ. 21: 1-14 മനുഷ്യരെ പിടുത്തം

ഗലീലി കടലിലെ അത്ഭുതകരമായ മീൻപിടുത്തം ദൈവരാജ്യത്തിലേക്കായ് മനുഷ്യമക്കളെ വിളിച്ചുകൂട്ടുന്നതിന്റെ പ്രതീകപ്രവർത്തിയാണ്. അതായത്, മീൻപിടിത്തക്കാർ (fishermen) മനുഷ്യരെ പിടിക്കുന്നവരായി (fishers of men) വിളിക്കപ്പെടുന്ന രംഗം. നൂറ്റിയൻപത്തിമൂന്ന്‌ എന്നത് യേശുവിന്റെ കാലത്ത്‌ ജന്തുശാസ്ത്രജ്ഞർ ഭൂമുഖത്ത്‌ കണ്ടുപിടിച്ചിട്ടുള്ള ആകെ മത്സ്യവർഗ്ഗങ്ങളുടെ എണ്ണമാണ്. അതിനാൽ നൂറ്റിയൻപത്തിമൂന്ന്‌ മത്സ്യങ്ങൾ ലോകത്തിലെ മുഴുവൻ ജനതതികളെയും പ്രതിനിധാനം ചെയ്യുന്നു. അപ്പോസ്തോലന്മാർ ലോകത്തിലെ എല്ലാ ജനതതികളിൽ നിന്നും മനുഷ്യമക്കളെ ദൈവാരാജ്യത്തിലേക്ക് വിളിച്ചുകൂട്ടണം.

ക്രിസ്തുവിലൂടെ ദൈവമക്കളായിത്തീർന്ന നാമോരോരുത്തരും അപ്പസ്തോലന്മാരെപ്പോലെ നമുക്കു ചുറ്റുമുള്ള ലോകത്തെ – മനുഷ്യമക്കളെ വിളിച്ചുകൂട്ടി ദൈവത്തിങ്കലേക്കു നയിക്കാൻ കടപ്പെട്ടവരാണ്. ശാസ്ത്രീയ-സാമ്പത്തികലോകം നൽകുന്ന സങ്കീര്‍ണ്ണതകളും മത്സരബുദ്ധിയും മനുഷ്യനെ വേഗതയുടെയും തിരക്കിന്റെയും ഒരു സംസ്‌കാരത്തിൽ ജീവിക്കാൻ നിർബന്ധിക്കുന്ന പശ്ചാത്തലത്തിലും ദൈവത്തിനും ദൈവാരാജ്യത്തിനും മനുഷ്യരെ വിളിച്ചുകൂട്ടാൻ വേണ്ടി സമയവും സ്ഥലവും കണ്ടെത്തുക എന്നത് നമ്മുടെ ക്രൈസ്തവ വിളിയുടെ ഒഴിച്ചുകൂടാനാകാത്ത ദൈവനിയോഗമാണ് എന്ന് സുവിശേഷം ഓർമ്മിപ്പിക്കുന്നു. ആമ്മേൻ.

ഫാ. ജെറി വള്ളോംകുന്നേൽ MCBS, സത്താറ

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.