ലത്തീന് യുവജന സംഘടനയുടെ നേതൃത്വത്തില് കെആര്എല്സിബിസി പ്രവാസികാര്യ കമ്മീഷനും ഐസിവൈഎം നാഷണലിന്റെയും സഹകരണത്തോടെ നടത്തുന്ന വോക്സ് ലാറ്റിന 2020-ന്റെ ആഗോള ലത്തീന് യുവജനസംഗമം ഇന്ന് നടക്കും. ഇന്ന്നു വൈകിട്ട് അഞ്ചു മുതല് ഏഴു വരെ ഓണ്ലൈനായി ആണ് സംഗമം നടക്കുക.
‘യുവജനങ്ങള്: കരുതലും അതിജീവനവും’ എന്ന വിഷയത്തെ ആസ്പദമാക്കി ഓഗസ്റ്റ് 23-ന് ആരംഭിച്ച വിവിധരാജ്യങ്ങളിലെ പ്രതിനിധിസംഗമങ്ങളുടെ അവസാനഭാഗമായ സംഗമമാണ് ഇന്ന് നടക്കുന്നത്. കേരളത്തില് നിന്നും മറ്റു സംസ്ഥാനങ്ങളില് നിന്നും വിദേശരാജ്യങ്ങളില് നിന്നുമായി ആയിരത്തിലധികം യുവജനങ്ങളും അത്മായരും പങ്കെടുക്കും.